Bakka Dooktar Abiy argamanitti Giddugalli Haaromsaa fi Gaabbisa Ogummaa Birrii biiliyoona 3.1’n ijaarame eebbifame

Finfinnee, Bitootessa 5, 2016 (FBC)- bakka Ministirri Muummee FDRI Dooktar Abiy Ahimad argamanitti Pirojektiin Giddugala Haaromsaa fi Gabbisa Ogummaa Dubartootaa Finfinnee Kutaa Magaalaa Aqaaqii Qaallittiitti Birrii biiliyoona 3.1’n ijaarame eebbifame.

Pirojektichi dubartoota rakkoolee garaagaraaf saaxilaman leenjisuuf kan kaayyeeffate ta’uun ibsameera.

Giddugalichi gamoo 13 tokkoon tokko isaanii darbii 4 kan qaban yoo ta’u iddoowwan leenjii 17 kan of keessaa qaba jedhameera.

Pirojektichi baatiiwwan 10 keessatti lafa kaaree meetira kuma 100 irratti kan ijaarame ta’uun ibsameera.

Giddugalichii leenjiiwwan gaggabaabaa baatiiwwan 6-8 kan kennuu fi marsaa hjalqabaan dubartootaa kuma 10 simachuu kan danda’u ta’uu Aadde Adaanech gama miidiyaa hawaasummaa isaaniin ibsaniiru.

Giddu galichi Qonna Magaalaan lafa kaaree meetira 4.1 misoomuu kan danda’uu fi iddoowwan bashannanaa, shaakala ispoortii, kilinika kan kennu ta’uun eerameera.

Giddugalichis dhaabbilee seekteroota Bulchiinsa Magaalaa Finfinnee garaagaraa walta’uun kan ijaarameedha jedhameera.

Tasfaayee Ijjiguutuu gabaase.

#Oromiyaa #Itiyoophiyaa

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.