Bakka Dooktar Abiy Ahimad Argamanitti Waggaa 5ffaan hundeeffama Paartii Badhaadhinaa kabajame
Finfinnee, Sadaasa 21, 2017 (FBC)- Sagantaan xumuraa Waggaa 5ffaa hundeeffama Paartii Badhaadhinaa Bakka Ministirri Muummee FDRI fi Pireezidaantii Paartichaa Dooktar Abiy Ahimad argamanitti Yaadannoo Injifannoo Adwaatti kabajameera.
Waltajjicharratti Dooktar Abiy Ahimadiin dabalatee, Ministira Muummee Itti Aanaa fi Pireezidantii itti Aanaa Paartichaa Tamasgeen Xurunaa, Sadarkaa Ministira Muummee Itti Aanaatti Itti Gaafatamaan Giddugala Qindeessa Ijaarsa Sirna Diimokiraasii Obbo Adam Faaraah, Afyaa’ii Mana Maree Bakka Bu’oota Ummataa Obbo Taaggasaa Caafoo, Afyaa’ii Mana Maree Federeeshinii Obbo Aganyawu Tashaagar, Pireezidaantonni Naannolee fi Kantiibonni Bulchiinsa Magaalotaa argamaniiru.
Waggaa 5ffaan Hundeeffama Paartii Badhaadhinaa mata duree “Olaantummaa Yaadaa badhaadhina hunda galeessaaf” jedhuun, marii paanaaliin, manneen harka qalleeyyii haaromsuun, dhiiga arjoomuun, sochii ispoortiin, agarsiisaa suuraan, qulqullina magaalaa fi kanneen biroon kabajama turuu ragaan paarticharraa argame ni mul’isa.
#Oromia #Ethiopia