Baankiin Daldala Ityoophiyaa dorgommii idil addunyaaf of qopheessuu qaba -MM Abiy Ahimad

Finfinnee, Gurraandhala 6, 2014 (FBC) – Muummeen Ministiraa FDRI Abiy Ahimad Gamoo Baankii Daldala Ityoophiyaa eebbisiisaniiru.

Sirna eebbaa kanarratti Ministiroonni, Hoggantoonni Baankii, hoggantoonni mootummaa olaanoon, miseensonni Boordii , maamiltoonni, fi keessummoonni waamichi taasiifameef argameera.

Muummeen Ministiraa FDRI Abiy Ahimad guyyaa hundeeffama bakkichaa waggaa 80ffaa fi eebba waajjira Muummee baankichaa sababeeffachuun ergaa baga gammaddanii dabarsaniiru.

Baankiin Daldalaa Ityoophiyaa imala waggaa keessatti hudhaalee isa muudate darbuun gumaacha hanga ammaatti taasiiseef galateeffataniiru.

Baankichi yeroo itti aanu dorgommii idil addunyaaf of qopheessuu akka qabu ibsaniiru.

Baankoonni Ityoophiyaa keessatti argaman baankoota idil addunyaa waliin ta’uun kenniinsa tajaajilaa fi dameewwan biroon dorgomaa ta’uuf of ammayyeessuu akka qaban hubachiisaniiru.

Malaakuu Gadiftu gabaase.

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.