Baankichi tajaajila daddabarsa sharafa alaa “EthioDirect” jedhamu ifoomse

Finfinnee, Amajjii 22, 2015 (FBC)- Baankiin Daldala Itoophiyaa tajaajila daddabarsa sharafa alaa dijitaalawaa “EthioDirect” jedhamu ifoomse.

Waltajjicharratti Pireezidaantiin Baankii Daldalaa Ityoophiyaa Abbee Saanoon, tajaajilli dijaatalawaa fi ammayyaa’aa maallaqa ittiin waliif daddabarsan ifoomuu ibsanii, appilikeeshinii kanas moobaayilarratti fayyadamuun biyya alaarraa gara biyya keessatti maallaqa erguuf kan dandeessisu ta’uu himaniiru.

Dabalataanis, gama marsariitii www.ethiodirect.com’n tajaajilichi akka dhiyaatu ibsaniiru.

Nageenyummaan appilikeeshinicha eegamee fi amansiisaa ta’uu Obbo Abbeen dubbatanii, maamiltootaaf bakka fi yeroo kamittuu bilisaan tajaajila daddabarsa maallaqaa ammayyaa’aa kan kennuudha jedhan.

Kaardiiwwan kaffaltii idil addunyaa kan akka Maastar Kaard fi Viizaa fayyadamuun appilikeeshinichaan maallaqa erguu akka danda’an himaniiru.

Maallaqni ergamus kallattiin herregaa baankii fudhataatti kan darbu yoo ta’u, fuuldurattis fudhataan karaa ‘CBE Birr Walet’ yookaan damee baankii itti dhiyaatutti fudhachuu akkataa danda’urratti kan hojjetamu ta’uu himuu ragaan baankicharraa argame ni mul’isa.

Baankiin Daldalaa Ityoophiyaa sharafa alaa walitti qabuun pirojektoota misoomaa garaagaraaf dhiyeessuuf itti gaafatamaa biyyaalessaa akka qabu yaadachiisanii, maddaa sharafa alaa guddisuuf tarsiimoowwan garaagaraa bocuun hojjechaa jiraachuu ibsaniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.