Awustiraaliyaatti balaa ibiddaa bosonaa ka’een namoonni 7 du’uun, manneen 200 ol barbadaa’an
Finfinnee, Muddee 22, (FBC) – Awustiraaliyaatti guyyaa kaleessaa balaa ibidda bosonaatin namoonni 7 yoo du’an, manneen jireenyaa 200 ol barbadaa’uun himame.
Poolisoonni biyyattii iddoo balichaatti argamuun ibidicha dhaamsuuf bishaan toonii 1.6 fayyadamanis namoonni hedduun ammallee ibiddaan marfamanii jiraachun himameera.
Hojii balaa ittistoonnii fi tola ooltonni hojjetaniin manneen kuma 8 fi 159 baraaruun danda’amuu Tajaajilli Ittisa Balaa Ibiddaa Naannoo Baadiyyaa biyyattii ifoomsera.
Balaa kanaan maanguddoonnii fi daa’imman miidhamaniiru.
Jiraattonni hedduun bakka jireenyaa fi qabeenya isaanii dhabaniiru.
Lakkoofsi namoota balaa kanaan du’anii dabaluu akka danda’u ibsameera.
Balaan ibiddaa naannoo kibba Weelsitti ka’e hanga har’aatti itti fufeera.
Kibba Weelsitti qofa hanga ammaatti manneen jireenyaa 916 yoo gubatan, manneen 365 ammoo diiggamuun himameera.
Maddi:-BBC