Atleeti Hiruut Mashashaa fi Firewayiin Haayiluu Fiigicha Daayimandii Liigii Poolaandi injifatan

Finfinnee, Adoolessa 9, 2015 (FBC)- Fiigichaa Daaymandi Liigii 8ffaa Poolaand Magaalaa Siileesiiyaatti gaggeeffameen Atileet Hiruut Mashashaa fi Firewayiin Haayiluu injifachuu danda’aniiru.

Fiigicha meetira kuma 1 fi 500 dubartootaan Hiruut Mashashaan dorgommicha daqiiqaa 3 fi sekoondii 54’n galuun yoo injifattu, dhuunfaa isheen sa’atii ariifataa galmeessuu dandeesseetti.

Birqee Ayyaaloom 2ffaan, Dirribee Waltajjii 3ffaan akkasumaas Warqinash Mallasee 4ffaan yoo xumuran, atileetonni hundi dhuunfaa isaaniin sa’aatii saffisaa galmeessuun fageenyicha xumuraniiru.

Gama biraatiin, dorgommii fiigicha meetira kuma 3 gaggeeffameen Atileet Firewayiin Haayiluu galmee bakkichaa haaraa galmeessuun injifachuu dandeesseetti.

Firewayiin Haayiluun dorgommicha daqiiqaa 8 fi sekoondii 26’n yoo xumurtu, Atileet Lamlam Haayiluu sa’aatii dhuunfaa ishee fooyyessuun 3ffaan xumurteetti.

#Oromiyaa #Ityoophiyaa

Odeeffannoowwan waqtaawaa dabalataan argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.