Atileetoonni Maaraatoonii Paarisirratti Itiyoophiyaa bakka bu’an ifooman
Finfinnee, Caamsaa 9, 2016 (FBC) – Federeeshiniin Atileetiksii Itiyoophiyaa Atileet Qananiisaa Baqqalaa dabalatee Atileetoota Maaraatoonii Paarisirratti Itiyoophiyaa bakka bu’an ifoomseera.
Federeshinichi Atileetoota Maaraatoonii Olompikii Paaris 2024 irratti Itiyoophiyaa bakka bu’an koorniyaa lameeniinuu ifoomseera.
Haaluma kanaan Dhiirootaan Atileet Qananiisaa Baqqalaa, Sisaay Lammaa fi Dheereessaa Galataan kan hirmaataan yoo ta’uu, Atileet Tammiraat Tolaa fi Usaddiin Mahaammad eeggattootaan kan filataman ta’uu ragaan Fedeereshinicharraa argame ni mul’isa.
Akkasumas Dubartootaan Atileet Tigist Assafaa, Amaanee Bariisoo fi Magartuu Alamuun Itiyoophiyaa bakka kan bu’an yoo ta’uu, Atileet Gooyitetoom Gabrasillaasee fi Buzee Dirribaan eeggattootan filatamuu ibseera.