Atileet Ruut Aagaa fi Daawwit Waldeen fiigicha Maaraatoonii Chaayinaatti gaggeeffame injifatan
Finfinnee, Mudde 27, 2017 (FMC) – Atileet Ruut Aagaa fi Daawwit Waldeen fiigicha Maaraatoonii Chaayinaa Shiyaameenitti gaggeeffame riikkardii fooyyessuun injifatan.
Atileet Ruut Aagaan fageenyicha sa’aatii 2 fi daqiiqaa 18 fi sekondii 46 xumuruun yoo injifattu, Atileet Daawwit Waldeen ammoo sa’aatii 2 fi daqiiqaa 6 fi sekondii 6 xumuruun riikkardii bakkichaa bara 2015 qabamee ture fooyyeessuun injifateera.
Fiigicha Atileetoota dhiiraa gidduutti gaggeeffameen kanaan Atileet Asaffaa Bokiin sa’aatii 2 fi daqiiqaa 06 fi sekondii 32 xumuruun 3ffaa baheera.
Kan dubartootaan ammoo Atileet Guutamee Shoneen 2ffaa fi Atileet Fiqirtee Warataan sadarkaa 3ffaan xumuraniiru.
Dorgommii fiigicha Walakkaa Maaraatoonii Chaayinaa Hoong Koong Riqicha Zuuhay Maakaaw irratti gaggeeffameen ammoo Atileen Milkeessaa Maangashaan sa’aatii1 fi daqiiqaa 1 fi sekondii 27 xumuruun injifateera.
#Oromiyaa #Ethiopia