Andirees Ineestaan umrii waggaa 40ffaa isaatti kubbaa miilaarraa soorama bahe
Finfinnee, Fulbaana 28, 2017 (FBC) –Taphataan sarara gidduu Ispeeniifi Baareloonaa duraanii Andirees Ineestaan umrii waggaa 40ffaa isaatti kubbaa miilaarraa soorama bahuu beeksiseera.
Addunyaarratti taphattootaa maqaa guddaa qaban keessa tokko ta’e Ineestaan biyyasaa Ispeeniif yeroo 113 hiriireera, bara 2010tti Waancaa Addunyaas injifateera. Bara 2008 fi 2012tti ammoo Waancaa Awurooppaa mo’ateera.
Akkaadamii Baarseloonaa keessatti kan guddatti abbaan oogummaa ajaa’ibaa Ineestaan, kilabicha waliin waancaawwan 29 injifateera.
Yeroo 9 Laaligaa Ispeen mo’ateera, yeroo 4 Chaampiyoonsi Liigii injifateera.
Yeroo 2 badhaasa guddicha taphattoota kubbaa miilaaf kennamu, Ballon Dior, irratti 2ffaa ta’ee xumureera.
Maddi:- BBC
#Oromia #Ethiopia