Finfinnee, Onkololeessa 21, 2016 (FBC) – Workishooppiin naannawaa Daldala Bilisaa Magaalaa Dirree Dhawaatti gaggeeffamuu eegalee jira.
Workishooppiin kun Itiyoophiyaatti Naannawaan Daldala Bilisaa eegalamuusaa hordofee akkaataa hojiirra oolmaasaa fi faayidaa biyyaaf argamsiisuurratti hubannoo kan kennu jedhame.
Workishooppichi Koorporeeshinii Misooma Paarkiiwwaan Indaastiriin kan qophaa’ee yoo ta’u, Itiyoophiyaatti Naannawaan Daldala bilisaa jalqabamuun isaa guddina ariifachiisaa biyyattiin galmeessaa jirtuuf galtee olaanaa ta’uu Hojii Raawwachiisaa olaanaan Korporeeshinii Misooma Paarkiiwwan Indaastirii Itiyoophiyaa Obbo Akililuu Taaddasaan ibsaniiru.
Naannawaan Daldala bilisaa jalqabuun walitti dhufeenyaa fi hariiroo biyyoota biroo waliin qabdu kan dabalu ta’uu kaasaniiru.
Seenaa Magaalaan Dirree Dhawwaa guddina Indaastirii biyyaa keessatti qabdu gidduu gala taasiisuun Naannawaan Daldala Bilisaa kun eegalamuu Kantibaan Magaalattii Obbo Kadir Jawaar ibsaniiru.
Hinkoosaa Abdiisaatu gabaase.
#Oromiyaa #Ityoophiyaan
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.