Finfinnee, Eebila 23, 2012 (FBC) – Ministiroonni damee Barnootaa, Saayinsii, Teekonooloojii fi Innooveeshiinii miseensota biyyoota gamtaa Afrikaa weerara COVID -19 irratti mari’atan.
Ministiroonni fi hoggantoonni olaanoon damichaa maloota ittisa weerara vaayrasii koroonaa bifa qindoomina qabuun hojiirra oolchuun dandamurratti online mari’ataniiru.
Hojiilee weerara vaayrasichaa ittisuuf hojjetaman cimsanii itti fufsiisuuf teeknooloojii fi kalaqaan deebii laachuuf dhimmoota dandeessisanirratti mari’atameera jedhame.
Damee Barnoota Olaanoo, Saayinsii, Teeknooloojii fi Innooveeshiniin weerara vaayrasichaa ittisuuf hojiilee hojjetaman qindoomninaan hojjechuuf marii gaggeessuu isaanii Ministirri Ministeera Saayinsii fi Dhaabbilee Barnootaa Olaanoo Proofeesar Hiruut Waldamaariyaam ibsaniiru.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.