Finfinnee, Caamsaa 22, 2016 (FBC) – Baatiwwan saglan darban Warqee alatti ergamerraa Galiin Doolaarri miiliyoonni 274 argamuu Ministeerri Albuudaa beeksise.
Manni Maree Bakka Bu’oota Ummataa Waltajjii Idilee 29ffaa gaggeessaa jiruun gabaasa raawwii hojii baatiwwan saglan darbanii Ministeera Albuudaa dhaggeeffateera.
Dhaabbileen Misooma Warqeerratti bobba’an Toonii 2.414, waldaaleen Aadaa Toonii 0.609 waliigala Tooniin 3.023 Baankii Biyyaalessaaf dhiyaachuu Ministirri ministeera Albuudaa Injinar Haabtaamuu Taganyi gabaasa dhiyeessaniin ibsaniiru.
Kanarrahis galiin Doolaarri miiliyoonni 274 argamuu dubbataniiru.
Galiin argame kan bara darbee yeroo walfakkaatuun yoo madaalame % 83 caalmaa qabaachuu ragan Mana Maree Bakka Bu’oota Ummataarraa argame ni mul’isa.
#Oromia #Ethiopia