Finfinnee, Eebla 20, 2015 (FBC) – Waltajjiin marii barsiisota kuma 63 olii fi hawaasa barnootaa hunda hirmaachise magaalaa Finfinneetti gaggeeffamaa jira.
Mariin kun Kilaasteera 77tti qoodamuun gaggeeffamaa jirachuu eerameera.
Hogganaan Biiroo Barnootaa Magaalaa Finfinnee Dooktar Zalaalem Mulaatuun waltajicha ilaalchisuun ibsa laataniiru.
Fooyya’iinsa waggoota arfan darban damee barnootaan argame caalmaatti cimsuuf waltajjiin kun murteessaa ta’uu kaasaniiru.
Rakkoolee adeemsa baruu fi barsiisuu keessatti mul’atan furuun walga’iinsa barnootaa mirkaneessuuf marii qophaa’e ta’uu kaasaniiru.
Marichi guyyoota afuriif kan gaggeeffamu ta’uu eeraniiru.
Wiixata dhufu Barsiisoonni kuma 5 ol ta’an Kantibaa Magaalaa Finfinnee Aadde Adaanachi Abeebee fi hoggantoota olaanoo magaalichaa waliin ni mari’atu jedhan Dooktar Zalaalam ibsa isaaniin.
Yisimaaw Adaraatu gabaase.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.