Finfinnee, Amajjii 2, 2017 (FMC) – Waltajjiin marii Faayinaansii, Galiiwwanii, Pilaanii fi misoomaa Federaalaa fi naannolee 29ffaan magaalaa Jimmaatti taa’amuu eegaleera.
Waltajjichi fooyyeessa Imaammata Diingadee Gooroo, sirna bulchiinsa faayinaansii Mootummaa, karoora misooma biyyaalessaa fi damee galiin hojiilee hojjetamanirratti xiyyeeffachuun kan mari’atu ta’uu ibsameera.
Fooyyeessa Imaammata Diinagdee Gooroo hojiirra oolaa jiru caalmaatti bu’aa qabeessa taasiisuuf hirmaannaan caasaalee mootummaa Federaalaa hanga gadii jiruu murteessaa ta’uu Ministirri Ministeera Maallaqaa Obbo Ahimad Shiideen ibsaniiru.
Jijjiiramoonni fooyyessichaan argaman jajjabeessaa ta’uu eeruun,jijjiiramicha caalmaatti itti fufsiisuuf hojjechuun barbaachisaa ta’uu dubbachuu ragaan Ministeera Maallaqaarraa argame ni mul’isa.
Ministirri Ministeera Maallaqaa Obbo Ahimad Shiidee, Ministirri Ministeera Pilaaniii fi Misoomaa Dooktar Fitsuum Asaffaa, Ministirri Galiiwwanii Aynaalem Nugusee fi hoggantoonni olaanoo federaalaa fi naannoolee waltajjicharratti argamuu ibsameera.
#Oromia #Ethiopia