Finfinnee, Caamsaa 24, 2015 (FBC) – Waltajjiin hundeeffama Mana Maree Daldalafi waldaalee seektara Magaalaa Shaggar gaggeeffamaa jiraachuu ibsameera.
Sirna hundeffamicharratti Kantibaa Bulchiinsa Magaalaa Shaggar Dooktar Tashoomaa Addunyaa dabalatee, hoggantoonni olaanoon mootummaa naannoo Oromiyaa,Abbootiin Gadaa, jaarsooliin fi Pireezidaantii Mana Maree Daldalaafi Waldaalee seektara magaalaa shaggar Lubni Taayyee Lataan argamaniiru.
Kaayyoon hundeeffama Mana marichas, mirgaafi faayidaa daldaltoota kabachisuu,daldala fi invaastimaantii magaalicha babal’isuu,Oomishaafi taajajilaa magaalichaa saffisiisuun sirna daldalaa Ammayyessuu ta’uu eerameera.
Magaalaa ammayyaa’aa, hawwataa fi giddu gala misooma hunda galeessaa taatee ijaaruun guddina diinaagde,hawaasummaa fi siyaasaa naannoo Oromiyaa utubuu ta’uu Kantiibaan magaalaa Shaggar Dooktar Tashoomaa Addunyaan ibsaniiru.
Bara 2050tti Mana Maree Daldalafi Waldaalee seektara oomishaafi oomishtumman tajaajilan sadarkaa addunyatti fakkeenyaa ta’anii fi dorgomaa ta’ee uumuufis manni maricha kan hojjetan ta’uu Pireezidaantii Mana Maree Daldalaafi Waldaalee seektara magaalaa Shaggar Lubni Taayyee Lataan ibsaniiru.
Gammachuu Beekumaatti Gabaase.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.