Finfinnee, Fulbaana 6, 2014 (FBC)-Kaabineen bulchiinsa magaalaa Finfinnee waliigalteen Awutoobisoota deeggarsa laatanii Ji’oota sadiif akka dheeratuuf murtee dabarseera.
Waliigalteen kunis Fulbaana 4, 2014 irraa kaasee hanga mudde 3, 2014tti kan dheerate ta’uu ibsameera.
Magaalichatti Awutoobisoonni deeggarsaa gara hojiitti erga seenanii as guyyaatti giddugalaan awutoobisoonni 392 tajaajila akka laatan taasisuun fooyya’iinsa kenniinsi geejjibaaf shoora olaanaa taphachuu ibsameera.
Awutoobisiiwwan magaalichaa hundatti GPS maxxansuun deeggarsaa fi to’annoon kan godhamu yoo ta’u, kunis guyyaatti giddugalaan namoota kuma 1 fi kuma 82f tajaajila kennisiisuu kan dandeessisudha jedhame.
Kana malees yeroo turtii tajaajilamtootaa daqiiqaa 60 gara daqiiqaa 12tti kan gadi buusu ta’uu ibsameera.
Waldaaleen kunneenis akkaataa qajeelfamoota waliigalticharra taa’aniin hojjechuun tajaajila fooyyee qabu kennuuf carraquu akka qaban waajjirri geejjibaa magaalaa Finfinnee yaadachiisuu ragaan Waajjira Seekreetariyaat Preesii magaalaa Finfinneerraa argamee ni muul’isa.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.