Finfinnee, Onkololeessa 26, 2017 (FBC)- Walga’iin Ogeeyyii Olaanoo Naannawaa Daldala Bilisaa Afrikaa 19ffaan Finfinneetti gaggeeffamaa jira.
Walga’ichaan waliigalteewwan naannawaa daldala bilisaa taasifaman hojiitti galchuuf waliigalteen ni taasifamaan eegama.
Ogeeyyiin kunneen, ajandaalee invastimantii, daldala dijitaalawaa, meeshaalee fi tajaajiloota irratti walitti qabaman walga’ii Ministiroota Daldalaa Biyyoota Miseensaaf ni dhiyeessu jedhameera.
Walga’iin Ministirootaa Daldalaa Biyyoota Miseensaa Onkololeessa 30, 2017 Finfinneetti kan gaggeeffamu ta’uun ibsameera.
Itiyoophiyaan Yaa’ii Naannawaa Daldala Bilisaa Afrikaa ilaalchisuun Onkololeessa 11 eegalee waltajjiiwwan gaggeeffaman keessummeessa jiraachuun himameera.
Maraa’ol Kadiirtu gabaase.
#Oromia #Ethiopia