Finfinnee, Sadaasa 8, 2015(FBC)- Ummata dammaqsuun humna misoomaa fi diinagdee taasisuun murteessaa ta’uu Pireezidaantiin Bulchiinsa Mootummaa Naannoo Oromiyaa Obbo Shimallisa Abdiisaan dubbatan.
Obbo Shimallis Abdiisaa sagantaa hundeeffamaa garee invastimaantii dhaabbilee misoomaa mootummaa gaggeeffamerratti, hoggansi mootummaa hoggansa diingdee ta’uu qaba jedhan.
Keessumaa ummata dammaqsuun humna misoomaa fi diinagdee haa taasisnu jedhanii, milkaa’ina humna misoomaa kanaaf hundeeffamuun dhabbilee misoomaa gahee olaanaa qabaachuu eeraniiru.
Dhaabbileen kunneen garee invastimantiin gurmaa’uun rakkoo hoggansa, teeknooloojitti fayyadamuu dhabuu, qisaasama qabeenyaa, wal dubbisuu dhabuu fi kanneen biroo gufuu diinagdee turan fura jedhaniiru.
Dhaabbileen misoomaa olaanoo 14 fi giddugaleessaa 22 Garee Invastimantiitti ja’atti kan gurmaa’an yoo ta’u, dhaabbileen kunneenis ‘O-Produce Group’, ‘Oro -Assembly Group’ , ‘Oromiyaa Agroo Group’, ‘Tumsaa Development Group’, ‘Oro – Construction Group’ fi ‘O-Mining Group’ ta’uun ibsameera.
Amartii Tasfaayeetu gabaase
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.