Finfinnee, Bitootessa 3, 2016 (FBC)- Tapha galgala kana taphatamuun Arsenaal dirree isaa Filaayi Emireetirraatti kilaba Porchuugaal Poortoo keessummeessa.
Torbee lamaan dura kan waliin taphatan kilaboonni lamaan Poortoon dirree isaarratti galchii 1 fi 0 injifachuun kan yaadatamuudha.
Arsenaal gara marsaa itti aanuutti darbuuf tapha kana garaagarummaa galchii 1’n injifachuu qaba.
Arsenaal tapha kana injifatee gara marsaa itti aanutti kan darbu yoo ta’e, seenaa waggoota 14’n keessaatti kan jalqabaa ta’a.
Tapha galagla kanaarratti gama Arsenaaliin Gabreel Maartineeliin miidhamaan taphaan ala yoo ta’u, Deevid Raayaan gara dirreetti deebi’aan eegama.
Kilaboonni lamaan kanaan dura taphoota torba waliin taphataniin yeroo sadi wal injifachuun tokko qixaan goolabaniiru.
Galgala kana yeroo 8ffaaf waliin morkatu.
Tapha shaampiyoonsi liigii kilaboota Awurooppaa biroon ammoo kilabni Ispeen Baarseloonaan dirree isaarratti kilaba Xaaliyaanii Naappoolii keessummeessa.
Kilaboonni lamaan tapha marsaa jalqabaa galchii 1 qixaan kan golaaban yoo ta’u, gama Baarseloonaan Firaanki De Joongi, Peediri, Baaldee fi Feeran Toorees tapha galgala kanaarratti kan hin hiriirre ta’uun himameera.
Kilaboonni lamaan kanaan dura yeroo 9 waliin taphatanii Baarseloonaan yeroo 5 yoo injiaftu, Naappooliin yeroo 1 injifatee tapha 3 ammoo qixaan goolabuuniiru.
Galgala kana yeroo 10ffaafis waliin taphatu.
Taphoonni lamaanuu halkan sa’aatii 5:00’tti Ingilaandii fi Ispeenitti eegala.
Dajanuu Gonfaatiin
#Oromia #Ethiopia