Finfinnee, Bitooteessa 2, 2015 (FBC)-Tajaajilli Nageenya Odeeffannoo Biyyaalessaa karoora sodaalee bifa jijjiirratanii dhufanii fi sodaalee biyyaalessaa jijjiiraman dhaaban fooyyessuun bobbiiwwan gaggeessaa jiraachuu beeksiseera.
Tajaajilichi raawwii baatiiwwan jahan darbanii ilaalchisee ibsa FBC’f ergeen akka beeksisetti, dhaabbatichi ergama biyyaalessaa kennameef irraa ka’uun hojiilee hojjeteen haalli nageenya waliigalaa fooyya’eera.
Nageenyi biyyaalessaa fi faayidaaleen Ityoophiyaa akka eegaman taasisuus ibseera.
Finfinnee dabalatee gochaalee shororkeessummaa kutaalee biyyattii birootti raawwatamuuf ture, haleellaawwan aanga’oota olaanoo mootummaarratti karoorfamanii fi shirawwan diinagdee kufaatii biyyaa babal’isan, fashaleeffamuu ibseera.
Leenjiiwwan ijaarsi dandeettii humna namaa, hojiilee jijjiiramaa, taateewwan garaagaraa gaggeeffaman nageenyi isaanii akka eegamuuf bobbiiwwan gaggeeffamuu, hojiilee damee tumsaa fi walta’iinsaan hojjetaman, milkaa’inaalee baatiiwwan ja’an darbanitti hojjetaman ta’uu eereera.
Taateewwan garaagaraa akka carraa gaariitti fayyadamuun hokkaraa fi jeequmsaan aangoo mootummaa to’achuuf yaaliiwwan garaagaraa mul’achuu, gaaffiiwwan seera qabeessaa humnaan raawwachiisuuf gurmaa’uu fi gurmaa’inni seeraan alaa sodaalee nageenya biyyaalessaa jiraachuu, shira diinagdee fi rakkooleen bulchiinsa gaarii, hawaasni mootummaarratti komii akka kaasu calaqqisuu akkasumas, duudhaalee biyyaalessaa hanqisuuf duulli gaggeeffamaa turuu tajaajilichi ibsa isaan eereera.
Sodaalee kanneenis qaamolee nageenyaa federaala fi naannolee waliin qindoominaan hojiilee hojjetamaniin fashaleeffamuu ibseera.
Biyyattiin sodaalee bifa jijjiirratoon qoramtullee, karoora dhaabbatummaa haala yeroo fi jijjiirama qabatamaa hubachuun, ergama rakkoolee ce’uu dandeessisan galmeessuun danda’ameera.
Karoorri Kunis haala qabatamaa jirurraa ka’uun fooyyessuun sodaalee biyyaalessaa mudatan ittisuu fi nageenya biyyaalessaa milkeessuuf gahee olaanaa taasiseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.