Finfinnee, Fulbaana 3, 2014 (FBC) – Waldaaleen Hojii Gamtaa Shamattootaa magaalaa Finfinnee gabaa bara haaraaf bittaa fi gurgurtaa Birrii miiliyoona dhibba 2 fi miiliyoona 1 olii raawwachuu Ejansiin Waldaa Hojii Gamtaa magaalichaa beeksiise.
Oomishaalee Qonnaa miiliyoona 95, Oomisha bu’aalee beelladaa Birrii miiliyoona 9 fi Oomishaalee Indaastirii Birrii miiliyoona 97 kallattii fi walitti hidhamiinsa uumameen bittaa fi gurgurtaan raawwatamuu Daayreektarri Kominikeeshinii Ejansichaa obbo Xilahuun Geetaachoo ibsaniiru.
Yeroo ammaas qaala’iinsa gatii magaalichatti muul’atu waaraan furuuf xiyyeeffannoon kan hojjetamu ta’uu obbo Xilahuun ibsuu isaanii ragaan Waajjira Seekreetariyaat Preesii magaalaa Finfinneerraa argame ni muul’isa.
Bulchiinsi magaalaa Finfinnee hanqina Faayinaansii shamattoota biratti muul’atu furuuf liqaa Birrii biiliyoona walakkaa laachuun kan yaadatamuudha.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.