Finfinnee, Eebla 21, 2015 (FBC) – Shakkamtoonni Waardiyoota ukkaamsuun Mankuusaa cabsuun Teeleeviizyiinii 78 hatuun dhokatan 9 to’atamuu ibsameera.
Yakkichi Eebla 17, 2015 magaalaa Finfinnee kutaa magaalaa Kolfee Qaraaniyoo aanaa 3 iddoo addaa Ruutaa duuba jedhamuun waamamutti ta’uu ibsameera.
Shakkamtoonni kunneen halkan naannoo Sa’aatii 7:40tti waardiyyoota reebanii ukkaamsaan mankuusaa camsuun Teeleeviizyiinoota Ismaarti G googil jedhaman abbaa Inchii 32 lakkoofsan 78 ta’an hatuun sokkuu isaanii Poolisiin magaalaa Finfinnee beeksiseera.
Hordoffii taasifamaa tureen guyyoota sadi keessatti shakkatoonni 9 to’atamuu ibseera.
Birriin kumni 100 shakkamtoota kanneen waliin harkaa fi harkatti qabamuun qorannoon gaggeeffamaa jiraachuu ragaan Poolisii Magaalaa Finfinneerraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataan argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.