Finfinnee, Caamsaa 13, 2016 (FBC) – Magaalaa Finfinneetti Shakkamtoonni hiriyaa isaanii ajjeesuun Konkolaataa inni konkolaachisaa ture fudhatanii miliqan sa’aatii 24 keessatti to’atamuu Poolisiin magaalichaa ibse.
Yakki kun Caamsaa 8, 2016 Kutaa Magaalaa Gullallee aanaa 8 bakka ‘Sameen Mazagaajjaa’ jedhamuun beekamutti raawwatamuu ibseera.
Poolisiin odeeffannoo akkuma argateen hordoffii taasiisaa turuun shakkamtoota kanneen sa’aatii 24 keessatti to’annoo jala oolchuu himeera.
Shakkamaan tokko Magaalaa Finfinnee kutaa magaalaa Kolfee Qaraaniyoo naannawaa ‘Ayyar Xeenaa’ jedhamutti, Inni 2ffaan ammo Bulchiinsa magaalaa Shaggar Kutaa Magaalaa Sulultaatti to’atamuu eereera.
Namoonni dhuunfaan kunneen erga to’annoo jala oolanii booda qorannoo gaggeeffameen Konkolaataan miidhamaa Magaalaa Shaggar bakka Walattee jedhamutti akka gurguramuuf nama dhuunfaa kannanii osoo jiru to’atamuu ibsameera.
Nama dhuunfaan Konkolaataa kana gurguruuf waliigales to’annoo jala oolchuuf hordoffiin itti fufuu ragaan Poolisii Magaalaa Finfinneerraa argame ni mul’isa.