Finfinnee, Sadaasa 18, 2017 (FBC) – Taphoonni ramaddii Shaampiyoonsi Liigii Awurooppaa marsaa 5ffaan har’a itti fufee kan taphatamu yoo ta’u, taphni Liiverpuul Riyaal Maadriid, Astoon Viilaan Juuveentus keessummeessan akkaan eegama.
Taphoota halkan edaa taphatameen Arsenaal, Baarseloonaafi Baayer Muuniik morkattoota isaanii yoo injifatan, Siitiin qixa baheera.
Arsenaal galchii 5 fi 1n Ispoortiing Liisban, Baarseloonaan galchii 3 fi 0n Bireestii, Baayern Muunik galchii 1 fi 0n PSG, Atileetikoo Maadriid galchii 6 fi 0n Ispaartaa Piraag, Baayer Livarkusan galchii 5 fi 0n RB Salsbargiin injifataniiru.
Maanchiister Siitiin Feeyinoordiin keessummeessuun hanga daqiiqaa 75ffaatti galchii 3 dursaa turus daqiiqaa muraasa keessatti galchiiwwan 3 keessummeessuun qabxii qooddateera.
Har’a halkan sa’aatii 5:00 eegalee Liiverpuul – Riyaal Maadriid, Astoon Viilaan – Juveentus, Monaakoon – Beenifikaa, Dasyinasmoo Zaagreeb – Boorishaa Doortimand waliin morkiin taasisan ni eegama.