Finfinnee, Caamsaa 14, 2014 (FBC) – Shaampiyoonaan Ispoorti magaaloota godina Jimmaa guyyoota 15f ture eegalameera.
Shaampiyoonaan kana irratti magaaloonni godinichaa 31 kan irratti hirmaatan ta’uu himameera.
Itti gaafatamaan Waajira dargaggoo fi Isportii godina Jimmaa obbo Nagumaa Makonnin, kaayyoon dorgomichaa dargaggoota naannoo Oromiyaa fi biyya bakka bu’an horachuu ta’uu dubbataniiru.
Ispoortiin lammii fayya qabeessa misooma biyyaa keessatti damaqinaan hirmaatu horachuuf gargaara jedhan Bulchaan godinichaa obbo Tijjaanii Naasir.
Dorgomichi gosa Ispoortii kubbaa miiilaan kan gaggeeffamu yoo ta’u, Ispoorteessitootni kuma 1 ol irratti ni hirmaatu jedhame.
Muktaar Xahaatu gabaase.
Fuula Feesbuukii keenyaan odeeffannoo waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.