Finfinnee, Bitootessa 4, 2015(FBC)- Seeftiineetii Misoomaan Birrii biiliyoonni 2.5 ol deeggarsa taasifamuu Ministeerri Magaalaafi Bu’uuraalee Misoomaa ibse.
Piroojetii misoomaa seeftiineetiin hanga ammaatti lammiilee rakkoolee uumamaafi nam-tolcheen miidhaan irra gaheef deeggarsi taasifamuu ibsameera.
Ministir Deetaan Ministeera Magaalaafi Bu’uuraalee Misoomaa obbo Faantaa Dajan, waggoottan lamaan darbanitti baasii Birrii biiliyoona 2.5 lammiilee sababa Vaayirasii Koroonaafi walitti bu’iinsa kaaba biyyattiitti uumamee tureen qa’eefi qabeenya isaaniirraa buqqa’aniif deeggarsi taasifamuu eeraniiru.
Piroojektii seeftiineetii bara 2009 irraa eegalee magaalota 11 keessatti hojiirra ooleen lammiilee miiliyoonni 1.5 fayyadamuu ta’uu ibsaniiru.
Yeroo ittaanutti piroojektoota misooma seeftiineetii marsaa 2ffaafi 3ffaan lammiileen kumni dhibbi 6fi kumni 40 ol fayyadamoo kan ta’an ta’uu eeraniiru.
Beezaawwit Kabbadaatu gabaase.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.