Finfinnee, Amajjii 25, 2015 (FBC)- Sagantaan eegalchiisa ijaarsa manneen barnootaa 71 walitti bu’iinsan manca’anii har’a gaggeeffameera.
Sagantichaarratti Ministirri Ministeera Barnootaa Pirofeesar Birhaanuu Naggaan, ijaarsi manneen barnootaa kanneen guutummaatti baranaa akka xumuramanii fi hojii baruu fi barsiisii 2016’f akka qaqqaban dubbataniiru.
Manneen barnootaa ijaarsi isaanii eegalamu keessa 50 deeggarsaa Baankii Addunyaa fi Ministeeraa Barnootaan, 16 Dhaabbataa Namoonni Namootaaf akkasumas 5 Tirasti Fandii Diyaaspooraan kan ijaaramu ta’uun ibsameera.
Dizaayiniin “Manneen Barnootaa Haaraa Ityoophiyaa” jedhamu xumuramuu kan ibsan Pirofeesar Birhaanuun, manneen barnootaa sadarkaan isaanii eegamee ijaaruu fi qulqullina barnootaa eegsisuufis dizaayinichi kan gargaaru ta’uun eerameera.
Manneen barnootaa fuulduratti ijaaramanis dizaayinii haara kanaan akka akka ijaaraman eerameera.
Ijaarsa manneen barnootaaf hanga ammaatti qaamolee garaagaraatiin Birriin biiliyoonni 2.8 walitti qabamuun eerameera.
Zuufaan Kaasaahuuntu gabaase.
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.