Finfinnee, Bitootessa 7, 2016 (FBC) – Poolisiin Federaalaa sagantaa kadhannaa Kaawunsilii Amantoota Kiristiyaanaa warra wangeelaa boru Addabaabayii Masqalaatti gaggeeffamu hordofee daandiiwwan tajaajila Tiraafikaaf cufaa ta’an ifoomseera.
Boru waaree booda sa’aatii 7:30 – 12:00tti Kaawunsiliin Waldaalee Kiristiyaanaa Warra Wangeelaa Addabaabayii Masqalaatti sagantaa kadhannaa ni gaggeessu jedhame.
Sababa kanaan daandiwwan armaan gadii Tajaajila Tiraafikaaf cufaa ta’uu Poolisiin Federaalaa beeksiseera.
Haaluma kanaan:-
•Daandii Uraa’eel gara Addabaabayii Masqalaa fudhatu,
• Boolee gara Addabaabayii Masqalaa,
• Laga Harree gara Addabaabayii Masqalaa,
• Ifaa Tiraafikaa Haraambee gara Addabaabayii Masqalaa,
•Masaraa biyyaalessaa gara Addabaabayii Masqalaa fudhatu boru waaree dura sa’aatii 4:00 eegalee hanga sagantichi xumuramuttu cufaa ta’uu ibseera.
Naannawaa sagantichi gaggeeffamutti daandii bitaa fi mirgaan yeroo gabaabaafis ta’ee dheeraaf konkolaataa dhaabuun dhorkaa ta’uu himeera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.