Finfinnee, Bitootessa 27, 2016 (FBC)-Rakkoolee tajaajilaa fi bulchiinsaa waarinaan fooyyessuuf xiyyeeffannaan kennamu Ministirri Muummee Ittaanaan Tamasgeen Xurunaan ibsan.
Bakka hoggantoonni hojii argamanitti waltajjiin gamaaggamaa qophii duraa fooyyessaa tajaajiloota fi bulchiinsa mootummaa baatiiwwan sadii gaggeeffameera.
Obbo Tamasgeen Xurunaan waltajjicharratti Mootummaan Itiyoophiyaa rakkoolee bu’uuraa tajaajilootaa fi bulchiinsaa waan qabuuf galmoonni misoomaa fi bulchiinsa gaarii biyyaalessaa haala barbaadameen akka hinmilkoofne taasiseera jedhan.
Rakkoolee damichaa yeroo dheeraaf hinfuramiin turan hambisuun imala badhaadhinaa milkeessuuf mootummaan xiyyeeffannaa kennee hojjechaa jiraachuu ibsaniiru.
Karoora qabame galmaan ga’uufis dandeettiin raawwachiisummaa dhaabbilee laafaa ta’uun qormaataa akka ta’e himan.
Badhaadhina hunda galeessaa mirkaneessuuf karooraa fi imaammatoota jiran milkeessuuf mootummaan dandeetii raawwachiisummaa fooyyessuun murteessaa akka ta’e itti amanamee hojiitti seenuu dubbataniiru.
Kanaaf karoora misoomaa waggoota 10 qabaman keessatti tajaajilootaa fi bulchiinsa fooyyessuun tokko ta’uu ibsuu TOI gabaaseera.
#Oromia #Ethiopia