Finfinnee, Bitootessa 6, 2014 (FBC)- Itti aanaan Hoogganaa Biiroo Eejansii Geejjiba Oromiyaa Obbo Laachisaa Hayyuu rakkoo nageenya tiraafikaa furuuf lammiin hundi itti gaafatamummaasaa ba’uu qaba jedhaniiru.
Guyyaan ayyaana sosochii torbee nageenya tiraafikaa magaalaa Bishaan Gurraachaatti kabajameera.
Qajeeltoowwan tiraafikaa hojirra oolchuun lubbuu nama baraaruu fi balaa tiraafikaa hir’isuun ni danda’ama jedhameera.
Itti gaafatamtuun eejansii geejjibaa magaalaa Bishaan Gurraachaa aadde Musliimaa Suleeyman dhiyeessii fi kenna tajaajilaa jabeessuun balaa ga’u hambisuuf cimnee hojjechuu qabna jedhaniiru.
Ayyaanni kun akka biyyaattii fi naannootti yeroo 3ffaaf kan kabajamu yoo ta’u, akka Bishaan Gurraachaatti yeroo jalqabaatiif kabajameera.
Qaamolee hirmaannaa nageenya tiraafikaa irratti hirmaachuun bu’aa gaarii galmeessanii beekkamtiin kennameera.
Rakkoo dhiyeessii fi beenzilaa kenna tajaajila ummataa keessatti hudhaa geejjibaa ta’eera jedhame.
Jibriil Huseentu gabaase
Ityoophiyaa :- Haa Misoomsinu, Haa Ijaarru, Haa qophoofnu!!!
Fuula Feesbuukii keenyan dabalata odeeffannoo waqtaawaa argachuuf
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.