Finfinnee, Sadaasa 12, 2017 (FBC) – Raashiyaan misaa’ela baalaastikaa ardii qaxxaamuru Yuukreenitti dhukaasuu Humni Qilleensaa Yuukreen beeksiseera.
Mooskoon meeshaa akka kanaa waraana kana keessatti yeroo jalqabaaf gargaaramuu gabaafameera.
Yuukreenitti yoo xiqqaate haleellaa misaa’eelii kanaan namoonni 15 mada’uu ibsameera.
Waraanni Yuukreen misaa’eelota kiruus Kh-101 jedhaman ofirraa qolachuu ibseera.
Yuukreen jalqaba torban kanaa buufata waraanaa Raashiyaa misaa’eela fageenya dheeraa furgugamuun haleeluun kan yaadatamuudha.
Gama biroon Raashiyaan misaa’eeloota ‘Istoorm Shaadow’ jedhaman oomisha Biriitaaniyaa ta’an Yuurkeen dhukaafte lama ofirraa qolachuu beeksisuu BBCn gabaaseera.
#Oromia #Ethiopia