Finfinnee, Fulbaana 27, 2014 (FBC)- Qulqullina barnootaaf xiyyeeffannaa kennuun murteessadha jedhan walitti qabaan Waldaa Misooma Oromiyaa obbo Abbaa Duulaa Gammadaan.
Obbo Abbaa Duulaa Gammadaan guyyaa har’a godina Jimmaa aanaa Shabee Sombootti mana barumsaa bultii addaaf dhagaa bu’uraa kaa’aniiru.
Sirnicharratti haasaa taasisaniin qulqullina barnootaaf bakka guddaa kennuun yoo hojjenne malee guddina biyyaa milkeessuun hin danda’amu jedhaniiru.
Manni barumsa bultii addaa Shabee baasii Birrii miiliyoona 10’n waldaan misooma Oromiyaa rammadeen guyyoota 40 keessatti ijaarame xumuramaa jedhameera.
Sadarkaa Preezedaantii Itti Aanaatti, Qindeessaa Kilaastera Hawaasummaa Obbo Abdulhaakim Muluu rakkoo hawaas dinagdee uummataa hiikuuf barnoonni gahee isaa guddaa ta’u himaniiru.
Naannoo Oromiyaatti manneen barnoota sadarkaa isaanii kan eegan ijaaruun hawaasa baratee horachuuf hojjettama jiraachuu dubbataniiru.
Proojektoonni ijaaramanis yeroo gabaabaa keessatti qulqullinni isaanii eegamee akka xumuraman hordoffii ni taasifna jedhaniiru.
Dabalataan Jilli Walitti Qabaa Boordii Waldaa Misooma Oromiyaa Obbo Abbaa Duulaa Gammadaa durfamu oomisha ruuzii lafa heektara 2286 kilaasteraan misoomaa jiru daawwateera.
Kana malees galma guddaa miiliyoona 5.3 ijaarame eebbisiseera.
Tamasgeen Allabbaachootu gabaase
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.