Finfinnee, Caamsaa 13, 2012 (FBC) – Qorannaa sa’aa 24 darbeetin namoota 9 irratti vaayrasiin koroonaa argame.
Sa’aa 24 darbe keessatti qorannaan samuudaa namoota 3,747 hojjetameera.
Namoota salgan keessaa 5 seenaa imala biyya alaa kan qaban yoo ta’u, 2 namoota vaayrasichaan qabamaniin tuttuqqii kan qabanidha.
Namoonni 2 ammoo seenaa imalaas ta’e, tuttuqqii kan hin qabne ta’uu Ministeerri Fayyaa beeksiseera.
Namoonni salganuu Ityoophiyaanota yoo ta’an, umriin isaanii waggaa 20 hanga 49ti.
Iddoo isaanii yoo ilaalle; 3 Finfinneerraa, 2 Afaar, 1 Somaalee, 1 Tigraay, 2 Amaaraarraayi.
Koorniyaadhan ammoo 8 dhiirota yoo ta’an, 1 dubartiidha.
Waliigalaan qorannaa laabraatoorii amma ammaatti taasifame 69,507 keessaa namoonni 398 vaayrasichaan qabamuun mirkanaa’era.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.