Finfinnee, Adooleessa 8, 2013 (FBC) – Qonnaan Bultootaa fi Horsiisee Bultoota godinaalee naannoo Oromiyaa 21f Paampiyyaan kumni 6 ol har’a magaalaa Mojootti dabarfameera.
Magaalaa Mojootti argamuun Paampiiwwan kanneen kan dabarsan Preezdaantiin Mootummaa Naannoo Oromiyaa obbo Shimallis Abdiisaan Qonnaan alatti biyyaa jijjiiruun hin danda’amu jedhan.
Oomisha alaa galu kan biyya keessan bakka buusuu fi al ergiif xiyyeeffannoo olaanaan hojjetamaa jiraachuu kaasaniiru.
Teeknooloojii, Sanyii filatamaa fi callaa guddisuu fayyadamuun oomisha qulqullinaa fi baay’iinaan oomishuuf hojjetamaa jira jedhan.
Wabii midhaan nyaataa mirkanneessurra dabree gabaa addunyaaf dhiyeessuuf hojjetamaa jiraachuu eeraniiru.
Mootummaan naannoo Oromiyaa waan danda’u hundaan jireenya qonnaan bulaa jijjiiruuf hojjechaa jiraachuu kaasaniiru.
Badhaadhina sadarkaa maatii mirkeessuuf mala qonnaarratti jijjiirramni bu’uraa taasiifamaa jiraachuu obbo Shimallis himaniiru.
Paampiiwwan guyyaa har’aa raabsame kunneen lafa hektaara Kuma 40 ol jallisiin misoomsuu danda’u jedhame.
Daagmaawii Deeksiisaatu gabaase.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.