Finfinnee, Eebila 28, 2014 (FBC) – Qonna gannaa bara 2014/15f Xaa’oo biyyoo buufata Jiibuutii ga’e kuntaala miiliyoona 7.2 keessaa % 75 gara kuusaa giddugalaa galuu ministirri Ministeera Qonnaa obbo Umar Huseen ibsaniiru.
Xaa’oo gara biyyaa seene keessaa % 25 qonnaan bulaaf raabsamuu Ministirri Ministeera Qonnaa obbo Umar Huseen turtii Faanaa Broodkaastiing Korporeet waliin taasisaniin himaniiru.
Keessattuu wayita ganni seenee iddoolee konkolaataan hin qaqqabneef dursa laachuun galtee xaa’oo hojiin qaqqabsiisuu hojjetamaa jiraachuu eeraniiru.
Iddoolee kanneeniif hanga xumura Caamsaatti galteewwan barbaachisan guutumaa guutuutti qaqqabsiisuuf hojjetamaa jiraachuu himaniiru.
Iddoolee birootti walduraa duubaan raabsuuf kan hojjetamu ta’uu dubbataniiru.
Dhiyeessii sanyii filatamaa barbaachisu keessaa % 75 guuttammuu fi hanqina dhiyeessii sanyii filatamaa muudatu guutuuf sanyii filatamaa sadarkaa 2ffaa akka filannootti fayyadamuuf karoorfamuu kaasaniiru.
Waliigala Qonna gannaa bara oomishaa 2014/15 milkeessuuf hirmaannaan taasiifamaa jiraachuu obbo Umar himaniiru.
Zufaan Kaasahuuntu gabaase.
Fuula Feesbuukii keenyaan odeeffannoo waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.