Finfinnee, Waxabajjii 24, 2014 (FBC) – Qabsoon gootonni baddaa Baalee taasisan dhaloota har’aaf bu’uura kaa’uu Af-Yaa’iin Caffee Oromiyaa Aadde Sa’aadaa Abduramaan ibsan.
Jilli Af-Yaa’ii Caffee Oromiyaa Aadde Sa’aadaa Abduramaan durfamu Godina Baaleetti piroojektii mana barnootaa Ifa Boruu aanaa Agaarfaa eebbisiisera.
Manni Barumsaa Ifa boruu Agaarfaa Birrii miiliyoona 39 oliin ijaarame eebbifameera.
Bulchaan Godina Baalee Obbo Abdulhakiim Aliyyii, Godina Baaleetti piroojektoonni mootummaa Birrii biiliyoona 11 oliin ijaaramanii xummuraman fi ijaaramaa jiraachuus himaniiru.
Mootummaan daandiiwwan asfaaltii gurguddoo fi piroojektii jallisii dabalatee manneen barnootaa hedduu hojjetaa jiraachuu eeraniiru.
Maddi:-TOI
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.