Finfinnee, Mudde 20, 2017 (FMC) – Qabeenya Bunaa Godinaalee Kibba Lixaa Oromiyaa beeksisuu keessatti Tuurizimiin gahee guddaa qabaachuu Komishiniin Tuurizimii Oromiyaa beeksise.
Magaalaa Jimmaatti dorgommiin biskileetii Magaalaa Jimmaa hanga Aggaarotti Kiiloo Meetira 45 uwwise mata duree” Tour De Coffee to the origin 2024″ jedhuun qophessumma Komishiinii Tuurizimii Oromiyaan gaggefameera.
Bunni Bu’aa diinagdee fi ijaarsa biyyaaf qaburraan kan ka’e damicharratti xiyyeeffannoon hojjetamaa jiraachuu komishinarri Komishinii Tuurizimii Oromiyaa Lalisee Dhugaan ibsaniiru
Dorgommiin kun Godinaalee Kibba Lixaa Oromiyaa Jimmaa, Bunnoo Beddelleefi Iluu Abbaaboor kanneen misooma bunaatiin beekaman beeksisuuf kan gaggeeffame ta’uu himaniiru.
Itti gaafatamaan Waajjira Paartii Badhaadhinaa Magaalaa Jimmaa Obbo Waasee Girmaa, magaalii Jimmaa giddu gala tuurizimiifi konfaransii akka taatuuf hojjacha jira jedhan.
Itti Aanaan Bulchaan Godina Jimmaa Obbo Yuusuf Shaaroon gama isaanin, godinichi godina argama bunaa ta’uu irraa kan ka’e bakka hawwata tuurizimii akka ta’uuf hojiin beeksisuu xiyyeeffannoon hojjetamaa jiraachuu dubbataniiru.
Tasfaahuun kabbadaa fi Muktaar Xahaatu gabaase.
#Oromiyaa #Ethiopia