Finfinnee, Hagayya 7, 2013 (FBC)- Preezdaantoonni naannolee Oromiyaa, Gambeellaa fi Beenishaanguul Gumuuz har’a waajjira preezdaantii Mootummaa naannoo Oromiyaatti mari’achuu Sadarkaa Itti aanaa Preezdaantiitti Qindeessaan kilaastera Hawaasummaa obbo Addisuu Araggaan himaniiru.
Akka Addisuun fuula Feesbuukii isaaniin akka ibsanitti, Naannooleen sadeen kanaan dura dhimmoota nageenyaa, misoomaarratti akkasumas hariiroo obbolummaa uummattootaa cimsuuf hojjechaa turuun isaanii ni yaadatama.
Marii kanaraatti raawwiin hojii gama hariiroo ummattoota cimsuu, misoomaa fi nageenya mirkaneessuutin hojjetamaa jiru bu’aa jajjabeessaan galmaa’aa kan jiruu fi hojiin eegalame cimee itti fufuu akka qabu walii galteerra gahuu obbo Addisuun himaniiru.
Gama biraatiin hoggantoonni kun haala nageenya walii gala biyya fi lixa Ityoophiyaa irratti xiyyeeffachuun marii taasisaniiru.
Nageenya lixa Ityoophiyaa mirkaneessuuf qaamolee nageenyaa federaalaa waliin qindoominan hojjechuuf kallattii kaa’aniis jiru.
Dabalataanis ergamtoota Juuntaa fi loote galtoota diinaa lixa Ityoophiyaa gooltu waliin tarkaanfii fudhachuuf walii galaniiru.
Mariicharrattis Preezdaantiin Mootummaa Naannoo Oromiyaa Obbo Shimallis Abdiisaa, Preezdaantiin Naannoo Gambeellaa Obbo Umad Ujuluu, Preezdaantiin Naannoo Beenishaangul Gumuz Obbo Ashaadlii Hasan, Itti aanaa Komishinara komishinii Poolisii federaalaa Obbo Malaakuu Faantaa fi hoggantoonni qaamolee nageenyaa naannolee sadanii argamu obbo Addisuu himaniiru.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.