Finfinnee, Waxabajjii 3, 2013 (FBC)- Preezdaantiin Bulchiinsa Mootummaa Naannoo Oromiyaa Obbo Shimallis Abdiisaan godina Shawaa Kibba Lixaa magaalaa Walisootti Mana barumsaa Ifa Boruu eebbisiisaniiru.
Sirna eebbichaarratti Preezdaantii Bulchiinsa Mootummaa Naannoo Oromiyaa Obbo Shimallis Abdiisaa fi Ajajaan Humna Qilleensaa Ityoophiyaa Meejer Jeneraal Yiilmaa Mardaasaa dabalatee hoggantoonni hojii federaa fi naannoo biroon argamaniiru.
Mootummaan Naannoo Oromiyaa damee Barnootaa baballisuuf, Birrii biiliyoona 5.7 ol ramadee manneen barnootaa Ifa Boruu Naannoo Oromiyaatti ijaarsisee eebbisiisaa jira jedhameera.
Preezdaant Shimallis sirna eebbichaarratti haasaa taasisaaniin, Barattooni keenya Jabaattanii barattanii egeree biyya keenyaa hundee gaariirra akka dhaabdan imaanaan isiniin jedha jedhaniiru.
Barsiisonnis jabaattanii Barattoota cicimoo yoo horattan egeree Oromoo fuula duraaf bareechuu dandeessu, kana yoo goone Oromiyaa badhaate arguu dandeenya kana bira qaqqabuuf ammoo jabaannee hojjechuu nu gaafata jedhaniiru.
Meejer Jeneraal Yiilmaa Mardaasaas eebba Mana barnootaa Ifa Boruu Magaalaa Walisoo irratti argamuun haasaa Taasisaniin, Yoo barattan qofaa biyya jijjiiruu dandeessu jedhaniiru.
Bara keenya Haala hin mijanne keessatti barannee Sadarkaa amma jirrurra geenye, amma isin ammoo carraa gaarii qabdu kanaaf dhaloota isinitti aanee jiruuf ammoo carraa kana caalu uumuu qabdu jechuun barattootaaf ergaa dabarsaniiru.
Buufata Konkolaataa Ammayyaa’aa har’a Dhagaan Bu’uuraa ka’ame dabalatee Akka ,Godina Sh/K/Lixaatti Proojektoonni Misoomaa 38 Birrii Miiliyoona 200 fi 95’n ijaaramaa jiru, Gariin xumuramuun eebbaaf gahaniiru.
Yaaddessaa Geetaachootu gabaase.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.