Finfinnee, Caamsaa 10, 2016 (FBC) – Godinalee Oromiyaa garaagaraa keessatti Piroojeektonni Bishaan dhugaatii Birrii biiliyoona1 oliin ijaaraman tajaajila kennu eegaluu Biiroon Bishaaniifi Inarjii Oromiyaa beeksise.
Piroojektonni kunneen Godina Buunnoo Beddellee, Godina Iluu Abbaa Boorii fi Godina Arsii Aanaalee garaagaraa 8 keessatti hojjetamaa turan walharkaa fuudhininsi taasifamuu ibsameera.
Godinaalee sadan keessatti Piroojektoonni 10 Birrii biiliyoona tokkoo oliin xumuramanii tibbana tajaajila kennuu eegaluu eerameera.
Piroojektiin marsaa 2ffaa Magaalaa Beddelleetti ijaarama jiru % 93 kan gahe yoo ta’u, baatii tokko booda kan xumuramuu ta’uu Biiroo Bishaaniifi Inarjii Oromiyaatti Mahaandisni Bishaanii Injinar Goobanaa Innishuu himuu ragaan biiricharra argame ni mul’isa.