Finfinnee, Guraandhala 7, 2015(FBC)- Pireezidaantiin Seeraaliyoon Juuliyas Maadaafi Ittaanaan Pireezidaantii Ugaandaa Jeesiikaa Aluup Yaa’ii Hoggantoota Gamtaa Afrikaa 36ffaarratti hirmaachuuf guyyaa har’aa Finfinnee galaniiru.
Hoggantoonni kunneen buufata xiyyaaraa idil addunyaa Boolee wayita gahan Ministira Ministeera Dhimma Dubartootaafi Hawaasummaa Dooktar Ergoogee Tasfaayee, Ministir Deetaa Ministeera Dhimma Alaa Ambaasaaddar Burtukaan Ayyaanoofi hoggantoota mootummaa olaanoo biroon simatamaniiru.
Yaa’ii Hooggantoota Gamtaa Afrikaa 36ffaan mata duree “Waliigaltee Naannawaa Daldala Bilisaa Afrikaa Ariifachiisuu” jedhuun Sanbataafi Dilbata dhufu kan gaggeeffamu ta’uu TOI gabaaseera.
#Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.