Finfinnee, Amajjii 8, 2015 (FBC)- Jilli hoggansa olaanaa Mootummaa Naannoo Oromiyaa Pireezidaantii Naannichaa Obbo Shimallis Abdiisaan durfamu kutaalee hawaasaa Magaalaa Naqamtee fi Aanaalee Godina Wallagga Bahaa waliin mari’atan.
Waltajjiin marichaa Magaalaa Naqamteetti kan gaggeeffame yoo ta’u, Obbo Shimallis Abdiisaa dabalatee, Itti Gaafatamaan Waajjira Paartii Badhaadhinaa Damee Oromiyaa Obbo Fiqaaduu Tasammaa, Ittaanaa Pireezidaantii naannichaa Obbo Awwaluu Abdii qondaaltota mootummaa fi Raayyaa Ittisa Biyyaa, Abbootii Gadaa, Abbootii Amantaa, jaarsolii biyyaa fi qaamoleen hawaasaa garaagaraa hirmaataniiru.
Waltajjii marichaarratti rakkoolee nageenyaan ummanni buqqaatiif, saamicha qabeenyaa fi rakkoo dinagdee fi hawaasummaaf saaxilamuu hirmaattonni kaasaniiru.
Kanaafis rakkoolee bu’uuraalee misoomaa fi hoji dhabdummaa hiikuuf mootummaan xiyyeeffannoon akka hojjetu gaafataniiru.
Galaanaa Tasfaatu gabaase
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.