Finfinnee, Mudde 10, 2016 (FBC)- Pireezidaantiin FDRI Saahilawarqi Zawudeen du’aan boqochuu Emiira Kuweet Nawaaf Al Ahimad Al Saabaahiin gadda isaanitti dhaga’ame ibsan.
Pireezidaanti Saahilawarqi du’aan boqochuu Emiira Kuweet ilaalchisuun Emiraa bakka bu’aan Sheek Mashaal Al Ahimad Al Sabaah, maatii mootichaa fi ummataa biyyattiif maqaa ummataa fi mootummaa Itiyoophiyaan gaddaa isaaniitti dhaga’ame ibsaniiru.
Hariiroon Itiyoophiyaa fi Kuweet bara mooticha Haayilasillaasee kan eegale ta’uu, gama Fandii Kuweetiinis guddina hawaas-diinagdee Itiyoophiyaaf gumaachi taasisan olaanaa ta’uu himaniiru.
Wayita waranaa Iraaqii fi Kuweetis, Itiyoophiyaan weeraramuu Kuweet ifatti mormuu yaadachiisaniiru.
Pireezidaanti Saahilawarqi Kuweetitti kan argamu Embaasii Itiyoophiyaa daawwachuu ragaan Waajiira Pireezidaantii Itiyoophiyaarraa argame ni mulisa.
#Oromiyaa #Itiyoophiyaa
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.