Finfinnee, Bitootessa 2, 2014 (FBC)- Paartiin Badhaadhinaa paartii Ityoophiyaarra darbee naannawichaaf abdii guddinaa kan kaa’e ta’uu hojii raawwachiisaan Paartii Koongrasii Biyyaalessaa Afrikaa Kibbaa /ANC Proofeesar Iqbaal Jaazbihaay ibsan.
Proofeesarichi haasaa baniinsaa yaa’ii 1ffaa paartii Badhaadhinaa irratti taasisaniin tattaaffii Muummeen Ministiraa Abiy Ahimad Ityoophiyaa fi Eeritiraa gidduutti nageenya buusuuf taasisan dinqisiifataniiru.
Dabalataanis Ministiroota Ityoophiyaa keessaa %50 dubartoota ta’uun Muummeen Ministiraa Abiy Ahimad hirmaannaa dubartootaa guddisuuf kutannoon hojjechaa jiraachuuf agarsiistuu ta’uu eeraniiru.
Hidhi haaromsaa guddichi anniisaa maddisiisuu eegaluun biyyattiin daandii guddinaarra jiraachuusheef agarsiistuu ta’uu kaasaniiru.
Ittaanaan dura taa’aa paartii EKP Turkii Feevizii Shanvirdiin gamasaaniin Turkiin Ityoophiyaa waliin hojjechuu kan itti fuftu ta’uu ibsaniiru.
Ityoophiyaa fi Turkiin biyyoota hariiroo dippiloomaasii waggoota dheeraa qaban ta’uu eeraniiru.
Hariiroo biyyoota lameenii gama barnootaa, Raayyaa Ittisa Biyyaa fi daldalaan jiru cimsanii kan itti fufan ta’uu dubbataniiru.
Ityoophiyaa:-Haa Misoomsinu,Haa Ijaarru, Haa qophoofnu!!!
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.