Finfinnee, Adoolessa 9, 2012 (FBC) – Naannoo Oromiyaatti qonna gannaatiin lafti heektaarri miiliyoonni 2 ol kilaastaraan akka misoomu Biiroon Qonnaa fi Qabeenya Uumamaa Oromiyaa beeksiseera.
Jilli hooggana itti aanaa Qonnaa fi Qabeenya Uumamaa Oromiyaa obbo Geetuu Gammachuun durfamuu hojiin qonnaa Kilaastaraa aanaa Aqaaqiitti hojjetamaa jiru daawwateera.
Qonnaan bultoonni aanaa Aqaaqiis vaayrasii koroonaarra of eegaa maasii isaanii teeknooloojii qonnaa fayyaadamuun kilaastaraan misoomsa jiru jedhaniiru.
Kilaastaraan misoomsuun isaanii oomishaa fi oomishtummaa dabaluurra darbee gabaa alaaf caarraa ni uuma jedhameera.
Bara kana Qonna gannaatiin qofa lafti heektaarri miiliyoona 6 fi kuma 100 ta’u misoomsuun oomisha kuntaala miiliyoona 100 fi miiliyoona 89 argachuuf karoorfamuu obbo Geetuun eeraniiru.
Hanqina dhiyeessii farraa aramaa irraatti muul’atu furuufis hojjetama jiraachuu bulchaan aanaa Aqaaqii obbo Kabbadaa Takkaaliiny dubbataniiru.