Finfinnee, Mudde 9, 2017 (FMC) –Naannoo Oromiyaatti Adoolessa 1, 2016 irra eegalee hanga ammaatti Bunni Tooniin miiliyoona 1.16 walitti qabamuu Biiroon Qonna Oromiyaa beeksise.
Walakaa bara baajatichaatti buna toonii miiliyoona 1.6 walitti qabuuf karoorfamuu Hogganaa Itti Aanaa fi Itti Gaafatamaan Damee Bunaa fi Kuduraa Biirichaa Obbo Mahammadsaanii Amiin ibsaniiru.
Hojii qindoominaan hojjetameen Adoolessa 1,2016 irra eegalee hanga ammaatti Bunni tooniin miiliyoonni 1.16 walitti qabamuu himaniiru.
Naannichatti oomishaa fi Oomishtummaa bunaa guddisuuf xiyyeeffannaa olaanaan hojjetamaa jiraachuus kaasaniiru.
Bara 2017 biqiltuu bunaa Biiliyoona 2 fi miiliyoona 500 dhaabuuf qophiin taasifamaa jiraachuu dubbataniiru.
Yohaannis Darribootu gabaase.
#Oromia #Ethiopia