Finfinnee, Bitootessa 3, 2015 (FBC)- Barana Oromiyaatti biqiltuu sanyii filatamaa Bunaa biliyoonni 1.45 qophaa’uu Biiroon Qonnaa Oromiyaa beeksise.
Jilli Hogganaa Biiroo Qonnaa Oromiyaa Obbo Geetuu Gammachuun durfamu Godina Shawaa Lixaa Aanaa Iluu Galaanitti buufata biqiltuu Ammayyyaa Sanyiin filatamaa Avokaadoo fi biqiltuu bunaa daawwateera.
Godinichatti Qonnarratti hojiilee jajjabeessaan qonnarratti hojjetamaa jiraachuu Obbo Geetuun himaniiru.
Bara kana akka Oromiyaatti biqiltuu sanyii filatamaa bunaa biliyoona 1.3 qopheessuuf karoorfamee biqiltuun biliyoonni 1.45 qophaa’uu ibsuun, biqiltuuwwan kunneen hanga dhaabamanitti kunuunsi taasifamuufii akka qabu akeekaniiru.
Dabalataanis, biqiltuu Avokaadoo sanyii filatamaa miiliyoona 2.8 qopheessuuf karoorfamee hanaga ammatti biqiltuu miiliyoona 2.9 qopheessuun akka danda’ame himameera.
Buufata biqiltuu sanyii filatamaa avokaadoo keessattis hojiilee hojjetamaa jiran caalmaan cimsuun, Aanaalee Godinichaa misooma muduraaf mijatanitti babal’ifamuu akka qaban ibsaniiru.
Kana malees hanqina baajataafi ogummaarratti Biiroon Qonnaa deeggersa barbaachisu akka taasisu Obbo Geetuun mirkaneessauu ragaan biiricharraa argame ni mul’isa.
#Oromiyaa #Ityoophiyaa
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.