Finfinnee, Onkololeessa 21, 2017 (FBC)- Oomishni Qonnaa sassaabbiif qaqqabe rooba waktii maleen akka hinmancaaneef yeroon sassaabamuu akka qabu Biiroon Qonnaa Oromiyaa hubachiise.
Hoogganaan Birrichaa Obbo Geetuu Gammachuun, roobni waktii malee roobaa jiru bakka oomishni sassaabbiif gaheetti mancaatii akka hingeessisnee fi qisaasama jalaa oolchuuf qonnaan bultoota dabalatee qooda fudhattoonni marti midhaan ga’e tumsaan akka walitti qaban dhaamaniiru.
Roobni yeroo ammaa bakkoota garaagaraatti roobaa jiru olaanaa waan ta’eef humna namaa fi maashiniin midhaanii ga’e walitti qabuun akka barbaachisu akeekaniiru.
Roobni yeroo malee roobaa jiru kun iddoo tokko tokkotti midhaan balleessaa jiraachuus eeruu ragaan biiricharraa argame ni mul’isa.
Bakkoota roobni baay’inaan roobaa jiruttis qooda fudhattoonni tumsa akka taasisan gaafataniiru.
#Oromia #Ethiopia