Finfinnee, Onkoloolessa 1, 2014 (FBC)- Ogeeyyiin fayyaa tajaajila ogumasaaniin kennaniin dabalatatti, sadarkaa addunyaatti dorgomaa ta’anii ijaarsa diinagdee biyyaa keessatti gumaacha gochuu qabu jedhan Preezdaantiin Yuunvarsiitii Jimmaa Dooktar Jamaal Abbaa Fixaa.
Yunvarsiitiin Jimmaa fi Emmireetota Araba Gamtoomaniitti Koolleejjiin Faaximaa damee barnoota Fayyaa waliin hojjechuuf waliigaltee mallatteessaniiru.
Waliigaltichi ogeeyyii fayyaa gahuumsa qabanii fi dorgomaa ta’an biyya keessatti oomishuuf kan gargaaruudha jedhameera.
Kanaaf ammoo ogeeyyiin gara Emmireetota Araba Gamtoomanii deemanii muuxannoo, meeshaalee barumsaa fi leenjiif gargaaran Koolleejjii Faaximaarraa deeggarsaan argachuu Daayreektarri giddugala wal’aansaa Yunvarsiitii Jimmaa Dooktar Eliyaas Alii himaniiru.
Waliigalteen har’a taasifame ogeeyyii sadarkaa addunyaatti dorgomaa ta’an oomishuuf akka gargaaru dubbataniiru.
Dooktar Jamaal gamasaaniitiin, waliigaltichi ogeeyyiin fayyaa biyya keessatti tajaajila ogummaa isaaniin kennaniin dabalatatti, gara biyyoottan alaa deemanii hojjechuun ijaarsa diinagdee biyya keessatti gumaacha akka taasisan gargaara jedhaniiru.
Bara kana ogeeyyiin fayyaa 50 qorumsa seensaa fudhatanii gara Emmireetota Araba Gamtoomanii deemanii hojjechuuf qophiirrati kan argaman ta’uu Dooktar Jamaal himsaniiru.
Muktaar Tahaatu gabaase
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Yuutyuubii https://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.