Finfinnee, Waxabajjii 21, 2013 (FBC) – Itti aanaan Muummee Ministiraa fi Ministirri Ministeera Dhimma Alaa obbo Dammaqaa Makoonniin Ambaasaaddara Joordaan yeroo hojii isaanii xumuran Waafii Ayyaad waliin mari’ataniiru.
Hariiroon bara dheeraa biyyoota lamaanii caalmaatti cimsuun kan barbaachisu ta’uu obbo Dammaqaan kaasaniiru.
Ityoophiyaatti Ambaasaaddara Yoordaan yeroo hojii isaanii xumuran Ambaasaaddar Waafii Ayyaad hariiroo biyyoota lamaanii cimsuuf shoora gumaachaa turaniif galateeffataniiru.
Ambaasaaddar Waafii Ayyaad gama isaaniin damee hundaan hariiroo biyyoota lamaanii caalmaatti cimsuuf tattaaffii taasiifameen bu’aa gaariin argamuu ibsaniiru.
Turtii Ityoophiyaatti taasiisaniif deeggarsa gama mootummaan taasiifamaafi ture galateeffachuu ragaan Waajjira Dubbii Himaa Ministeera Dhimma Alaarraa argame ni muul’isa.
Feesbuukii keenyan dabalata odeeffannoo waqtaawaa argachuuf;
Teelegraamahttps://t.me/afanoromofana
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.